نیمروز کې څه باندې ۲۹۲ زره جریبه دولتي ځمکه سروې او ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې د پلي کېدو پر مهال د نیمروز ولایت اړوندو سېمو په ۲۸۱ قطعو کې ۲۹۲۵۸۴ جریبه دولتي ځمکه او ملکیتونه سروې او ثبت کړي ده.
له دې شمېر څخه ۲۹۱۶۲۷ جریه سپينه دولتي ځمکه او پاتې ۹۵۷ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او ولسوالیو کې سروې او ثبت شوي دي.
ښار جوړولو او ځمکو وزارت تر دې دمه، په هېواد کې ۶ مېلیونه ۶۲۸ زره او ۱۶۴ جریبه ځمکه او دولتي ملکیتونه چې په ۶۸۰۲ قطعي کېږي، سروې او ثبت کړی او دا وزارت ژمن دی چې د دې پروسې له لارې په هېواد کې د حکومت سترو پرمختیایي او اقتصادي پلانونو پلي کېدو ته زمینه برابره کړي.