هرات کې د دوه تعلیمي پروژو رغنیزې چارې دوام لري
ښارجوړولو او ځمکو وزارت د هرات ولایت په پشتون زرغون ولسوالۍ کې د بوریاباف ۱۰ صنفي ښوونځي رغنیزې چارې ۸۴ سلنه او د دې ولایت په مرکز شپږمه ناحیه کې د فتح ۲۴ صنفي ښوونځي رغنیزې چارې ۷۵ سلنه بشپړې کړي دي.
د بوریاباف ۱۰ صنفي ښوونځی په ۷۸۵ متر مربع ځمکه کې په یو پوړ د ۱۴ میلیونه او ۷۰۰ زره افغانیو په ارزښت د پوهنې وزارت له پراختیايي بودیجې او د فتح ۲۴ صنفي ښوونځی په ۹۸۵ متر مربع ځمکه کې په درې پوړونو د ۲۷ میلیونه افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د صحي، تعلیمي او د دولت پراختیايي پروژو په تطبیق سره هېواد والو ته د خدماتو رسولو کچه لوړه کړې او په دې برخه کې یې خلکو ته لازمې اسانتیاوې برابرې کړي دي.
###
