د ننگرهار بهسودو ولسوالۍ د قاسماباد ښارګوټي تفصیلي پلان منظور شو
ښارجوړولو او ځمکو وزارت سرپرست وزیر محترم محمود کرزی د ننګرهار ولایت بهسودو ولسوالۍ د قاسماباد د ښوونکیو ښارګوټي تفصیلي پلان منظور کړ.
یاد وزارت دا تفصیلي پلان له پوهنې وزارت سره په همغږۍ جوړ کړی چې پهکې استوګنیزې نمرې، صنعتي، سوداګریزې، خدماتي، زرغونې او ټولنیز سیمې او همداراز عامه او تعلیمي تاسیسات پهکې په نظر کې نیول شوې دي.
د قاسماباد د ښوونکیو ښارګوټی پر ۱۶۸۱ جریب ځمکه د لوړو معیارونو او نورمونو سره سم جوړېږي.
په تېرو درې میاشتو کې ۲۶ پراختیايي پلانونه (۹ تفصيلي پلانونه، ۱۰ ستراتیژیک پلانونه، ۲ منطقوي پلانونه او ۵ د بهسازۍ پلانونه) د هېواد ۱۶ ولایتونو لپاره د ښارجوړولو او ځمکو وزارت د مشرتابه له لوري منظور شوي چې په تطبیق سره به یې څه باندې ۲۰ زره کورنیو ته د استوګنې زمینه برابره شي، ښارونه او ولسوالۍ به په منظمه توګه وده وکړي او غیر رسمي او غیر پلاني سیمې به په ښو استوګنیزو سیمو بدلې شي.
###
