کاپیسا کې د دوه ښونځیو رغنیزې چارې پیل شوې
ښار جوړولو او ځمکو وزارت د ساختماني پروژو د تطبیق په دوام، د کاپیسا ولایت په نجراب ولسوالۍ کې د حافظ عبدالمجیبد بیګ ۲۴ صنفي ښوونځي او د څارنوال حبیب الرحمن ۲۴ صنفي ښوونځي د جوړولو چارې پیل کړې دي.
د حافظ عبدالمجید بیګ ښوونځی په ۲۰۰۰ متر مربع ځمکه کې په څلورو پوړونو د ۴۹ میلیونه افغانیو په ارزښت او د څارنوال حبیب الرحمن ښوونځی په ۳۰۰۰ زره متر مربع ځمکه کې په درې پوړونو د ۴۹ میلیونه افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت په ورستیو درې کلنو کې په هېواد کې د ۱۰۳۰ رغنیزو پروژو چارې پیل کړي چې له دې ډلې د ۱۵۰ پروژو رغنیزې چارې بشپړې شوي، ۴۰۰ نورې پروژې د تطبیق په حال کې دي او پاتې یې په سروې، ډیزاین او تدارکاتي مرحله کې دي.
###
