د پکتیا ولایت مقام اداري کمپلکس رغنیزې چارې ۲۹ سلنه بشپړ شوي
ښارجوړولو او ځمکو وزارت په ګردیز ښار کې د پکتیا ولایت مقام اداري کمپلکس رغنیزې چارې ۲۹ سلنه بشپړې کړي او د روان کال تر پایه پورې به ګټې اخیستنې ته وسپارل شي.
دا اداري کمپلکس په ۵۵۸ متر مربع ځمکه کې په درې پوړونو چې ۶ دفترونه، یو کنفرانس خونه، خوړنځی، ګدام، پخلنځي او عصري تشنابونه لري د ۴۴ میلیونه افغانیو په ارزښت د ثبات ټینګښت ملي برنامې له لارې په معیاري ډول جوړیږي.
ښارجوړولو او ځمکو وزارت د بنسټیزو پروژو په تطبیق او د ټولګټو پروژو په عملي کولو سره؛ د هېواد په کچه سیمه اییزه حکومتولي پیاوړې کړې او د کاري فرصتونو په رامنځته کولو؛ خلکو ته اساسي خدمات وړاندې کوي.
###
