کندز ولایت کې له ۸۰۰ جریبه ډېره دولتي ځمکه ثبت شوه
ښارجوړولو او ځمکو وزارت د دولتي ځمکو د بانک برنامې له لارې په ورستۍ یوه مېاشت کې په کندز ولایت کې ۸۴۵ جریبه دولتي ځمکه او د دولتي ادارو تر استفادې لاندې عامه ملکیتونه ثبت او سروې کړي دي.
د دې پروسې له پرمختګ سره؛ د دې ولایت په مرکز او ولسوالیو کې د دولتي ځمکو د ثبت شمېر ۲۳۲۴۵۲ جریب ځمکو ته ورسېد.
ښار جوړولو او ځمکو وزارت تر اوسه په هېواد کې ۶ میلیونه جریبه دولتي ځمکه ثبت کړې او ژمن دی چې د دولتي ځمکو ثبت سره به؛ د ټولګټو پروژو تطبیق او عملي کولو ته زمینه مساعده کړي.
###
