کونړ کې د ښاري پلاني تخلفاتو د مخنیوي پر څرنګوالي خبرې وشوې
۱۴۴۶/۰۱/۰۲
کونړ ولایت کې د کور او ښار جوړولو ریاست محترم رئیس مولوي نبي الله طلحه وایي، له خپل تخنیکي پرسونل سره یې اداري ناسته وکړه او پر یو لړ بېلا بېلو اړوندو موضوعاتو یې خبرې وکړې او نظرونه تبادله شول.
ښاغلي مولوي نبي الله طلحه وایي، په دغه اداري ناسته کې، د ښاري پلاني تخلفاتو پر مخنیوي، د بېلا بېلو پلانونو پر ښه تطبیق، د ښار او ولسوالیو پر موجوده وضعیت، او دغه راز د ولسوالیو د ستراتېژيکو پلانونو پر تطبیق یې خبرې او تخنیکي بحثونه وکړل.
نوموړی وایي، په یاده ناسته کې، شته نیمګړتیاوې په نښه شوې او د حل په موخه یې پرېکنده تصامیم ونیول شول.
د کور او ښار جوړولو وزارت په پلازمېنه کابل او ولایتونو کې د ښارونو د شه وضعیت رامنځته کولو سربېره د ولسوالیو لپاره منظم پلانونه جوړوي او د عملي کولو لپاره یې اړوندو ښاروالیو، خصوصي سکتور ته سپاري او په ځینو برخو کې خپله لاس په کار کېږي.
