کونړ ولایت کې د کډوالو د ښارګوټي کروکي ترسره شوه
۱۴۴۶/۱/۱۰
د کونړ ولایت د کور او ښار جوړولو ریاست محترم رئیس مولوي نبي الله طلحه وایي، د دې ریاست انجنیرانو په دغه ولایت کې د کډوالو د ښارګوټي جوړولو په موخه د ځمکې کروکي ترسره کړه.
ښاغلي مولوي طلحه وویل، د ولایتي ګډ هیئت په شتون کې د کونړ ولایت په خاص کونړ ولسوالۍ کې د کډوالو د منظور شوي ښارګوټي لپاره د تفصیلي پلان، د ساحې انتخاب، کروکي او د GPS نقطې واخیستل شوې.
د کور او ښار جوړولو وزارت په ټولو ولایتونو کې د کډوالو لپاره د ښارګوټو جوړول په پام کې لري چې تر دې دمه په ۲۹ ولایتونو کې ۴۶ فعال ښارګوټي جوړ شوي او په ځینو نورو ولایتونو کې یې هم چارې روانې دي.
