کونړ ولایت کې د کرنیزو ساحو پر خوندیتوب ټینګار وشو
۱۴۴۶/۰۶/۰۷
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي تیم یې په کونړ ولایت کې د دغه ولایت د کور او ښار جوړولو د محترم رئیس مولوي نبي الله طلحه په هدایت د ښاري سرغړونو مخنیوی وکړ.
ښاغلی مولوي حقاني وایي، د ښاري تخلفاتو د مخنیوي ټیم یې په یاد ولایت کې له بېلا بېلو ځایونو لیدنه او څارنه وکړه او د هغه ودانیو مخنیوی یې وکړ، چې د پلان خلاف یې چارې روانې وې.
نوموړی وایي، د مسؤل ټیم له لوري د یادو ودانیو مالکینو ته لارښوونې وشوې، چې ودانیزې چارې دې په ټپه ودروي او له کرنیزې ساحې دې د استوګنیزې لپاره ګته نه پورته کوي.
په کرینزو ساحو کې کورونه جوړول او له هغې استوګنیزه ګټه پورته کول د قانون خلاف عمل دی، چې باید خلک ترې ډده وکړي.
