کونړ او کندهار کې د اجباري راستنېدونکو کډوالو لپاره د ښارګوټو تفصیلي پلانونه جوړ شول
۱۴۴۶/۰۷/۱۴
د کور او ښار جوړولو وزارت د مهاجرینو د عملیاتي کمېټې مشر محترم حافظ انجنیر محمد یوسف لطیف وایي، د اړوندو ریاستونو په همغږۍ او همکارۍ یې په کونړ او کندهار ولایتونو کې د اجباري راستنېدونکو اړمنو کورنیو لپاره د ښارګوټو جوړولو په موخه تفصیلي پلانونه جوړ کړل.
ښاغلی حافظ انجنیر لطیف وایي، کونړ کې یې په مرکز او کندهار کې د دامان ولسوالۍ د دوهم فاز لپاره تفصیلي پلانونه جوړ شول.
نوموړی وایي، د کور او ښار جوړولو وزارت محترم سرپرست وزیر الحاج شیخ حمدالله نعماني، د اجباري راستنېدونکو کډوالو دایمي مېشتېدو په موخه د چارو پر چټکتیا ټینګار کړی او له همدې کبله یې عملیاتي کمېټه جوړه کړه.
هغه وایي، دغه کمېټه به هڅه وکړي چې هره اوونۍ د خپلو چارو په تړاو ملموسه پایله ورکړي او ستونزو ته پر وخت رسېدنه وشي.
د کور او ښار جوړولو وزارت هڅې پیل کړي چې، ورسپارل شوې دندې او مسؤلیتونه پر وخت او سمه توګه سرته ورسوي.
