کندهار کې د دوه ټولګټو پروژو رغنیزې چارې پیل شوې
ښارجوړولو او ځمکو وزارت د کندهار ښار په دویمه ناحیه کې د زرغونه انا لیسې ۱۲ صنفي ښوونځي او د دې ولایت په عینو مېنې ښارګوټي کې د استیناف څارنوالۍ ودانۍ رغنیزې چارې پیل کړې.
د زرغونه انا لیسې ۱۲ صنفي ښوونځی په ۸۲۵ متر مربع ځمکه کې په دوه پوړونو د ۱۲ میلیونه او ۶۰۰ زره افغانیو په ارزښت او د استیناف څارنوالۍ ودانۍ په ۱۴۰۰ متر مربع ځمکه کې په څلورو پوړونو د ۷۶ میلیونه او ۸۰۰ زره افغانیو په ارزښت د ښارجوړولو او ځمکو وزارت د پراختیايي بودیجې څخه جوړېږي.
ښارجوړولو او ځمکو وزارت د هېواد په کچه د روغتیايي کلینیکونو، د دولتي ادارو ودانیو، لوبغالو، موزیمونو، کتابتونونو، وړکتونونو، جوماتونو او تعلیمي او تحصیلي مرکزونو په جوړولو کې خورا مهمه ونډه درلوده او د تولګټو تاسیساتو جوړول د دې وزارت په کاري لومړیتوبونو کې دي.
###
