کندهار ولايت کې له ۱۸۰ زره جريبو څخه زياته ځمکه سروې او ثبت شوه

ښار جوړولو او ځمکو وزارت د دولتي ځمکو د ثبت او سروې په لړ کې د کندهار ولايت ۱۸۳۰۸۸ جريبه ځمکه او دولتي املاک سروې او ثبت کړل.

له دې ډلې څخه په کندهار ښار کې په ۸۴ قطعو کې ۴۱ جريبه سپينه دولتي ځمکه او ۳۳۸ جريبه د دولت تر استفادې لاندې عامه ملکيتونه، په ارغنداب ولسوالۍ کې په ۹ قطعو کې ۱۸ جريبه سپینه دولتي ځمکه او ۹ جريبه دولتي املاک، پنجوايي ولسوالۍ کې په ۳۴ قطعو کې ۲۰۶۳ جريبه سپينه دولتي ځمکه او ۱۰ جريبه د دولت تر استفادې لاندې عامه ملکيتونه، تخته پل ولسوالۍ کې په ۱۳ قطعو کې ۱۱۶۹۴۴ جريبه سپينه دولتي ځمکه او ۲،۹ جريبه دولتي املاک، دامان ولسوالۍ کې په ۱۲ قطعو کې ۵۵۸۴۷ جريبه سپينه دولتي ځمکه او ۱۰۹۷ جريبه د دولت تر استفادې لاندې عامه ملکيتونه، ژيړۍ ولسوالۍ کې په ۱۵ قطعو کې ۱۹۱۱ جريبه سپينه دولتي ځمکه او ۹۶،۵ جريبه دولتي املاک، سپين بولدک کې په ۲۲ قطعو کې ۳۳ جريبه سپينه دولتي ځمکه او ۳ جريبه د دولت تر استفادې لاندې عامه ملکيتونه، ميوند ولسوالۍ کې په ۱۵ قطعو کې ۴۶۳۳ جريبه سپينه دولتي ځمکه او ۳ جريبه دولتي املاک او په ډنډ ولسوالۍ کې په ۱۵ قطعو کې ۳۴ جريبه سپينه دولتي ځمکه او ۵ جريبه دولتي املاک شامل دي.