کندز ولایت د ښاري تخلفاتو مخنیوی وشو
۱۴۴۶/۰۶/۱۲
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، په دغه ولایت کې د ښاري تخلفاتو د مخنیوي ریاست ټیم د ښار له څو بېلا بېلو ساحو لیدنه او څارنه وکړه.
ښاغلی مولوي حقاني وایي، د کندز د ښار شمال لور ته د امام صاحب بندر سیمه کې یو شمېر هټۍ د جوړېدو په حال کې وې، چې ښاري تخلفات یې کړي وو.
نوموړی وایي، یاده ساحه د ستراتېژیک پلان له مخې، (60) متره ده، خو په خبره یې هټۍ د سړک تر څنګ په غیر قانوني ډول جوړېږي، چې د ښاري تخلفاتو د مخنیوي ټيم له لوري یې چارې وځنډول شوې او مالکینو ته یې سپارښتنه وشوه، چې ژر تر ژره دې خپلې چارې د قانون په چوکاټ کې د پلان مطابق پر مخ یوسي.
د کور او ښار جوړولو وزارت له لوري د ښاري قوانینو د تطبیق لپاره منظم څار دوام لري او په تړاو یې د عامه پوهاوي لپاره کار کوي.
