کندز ولايت کې له ۲۰۰ زره جريبو څخه زياته دولتي ځمکه سروې او ثبت شوه
د ښار جوړولو او ځمکو وزارت د دولتي ځمکو د بانک پروګرام له لارې په کندز ولايت کې ۲۰۵۰۳۶ جريبه دولتي ځمکه او د دولت تر استفادې لاندې عامه ملکيتونه سروې او ثبت کړل.
له دې ډلې څخه په ۶۶ قطعو کې ۱۹۳۷۵۵،۷ سپينه دولتي ځمکه او په ۱۹۶ قطعو کې ۱۱۲۸۰،۳ دولتي املاک دي چې د کندز ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميليونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
