کابل کې ۲۰ جريبه دولتي ځمکه استرداد شوه
ښار جوړولو او ځمکو وزارت له غاصبينو څخه د ځمکو د خلاصون په لړ کې دا ځل د کابل ولايت په قرهباغ ولسوالۍ کې ۲۰ جريبه دولتي ځمکه استرداد کړه.
دا ټوټه ځمکه د قرهباغ ولسوالۍ په خروټي قريه کې د غاصبينو تر شخصي استفادې لاندې وه او اوس د ښار جوړولو او ځمکو وزارت په زيار ترې د معقولې او موثرې استفادې لپاره زمينه برابره شوه.
ښار جوړولو او ځمکو وزارت په ټول هېواد کې تر اوسه ۵۰۰ زره جريبه ځمکه استرداد کړې چې له دې ډلې څخه يوازې په کابل کې ۱۰ زره جريبه ځمکه د غاصبينو له منګولو خلاصه شوې ده.
