کابل کې د خلیل الله خلیلي ښارګوټي د تفصیلي پلان د تطبیق چارې پیل شوې
۱۴۴۷/۶/۱۸
د کور او ښار جوړولو وزارت، د سروې او جي، ای، ایس ریاست محترم رئیس وایي، د ریاست اړوند تخنیکي ټیم یې د کابل ولایت په قره باغ ولسوالۍ کې د منظمې پراختیا په موخه د استاد خلیل الله خلیلي ښارګوټي د تفصیلي پلان د تطبیق بهیر پیل کړ.
ښاغلی رئيس وایي، د یاد پلان د موقعیت ساحه د قره باغ ولسوالۍ باریک اب سیمه ده چې 9135 استوګنیزې نمرې لري.
نوموړی، د تفصیلي پلان د تطبیق اساسي هدفونه د ساحې د پراختیا لپاره د واضح او معیاري نقشې رامنځته کول، د بېنظمۍ او غیرقانوني جوړښتونو مخنیوی، او عامه تأسیساتو لپاره د مناسب ځای ټاکل او د پلان مطابق د نویو ابادیزو ساحو تنظیم او ترتیب بیانوي.
تمه ده چې د پلان تطبیق به کابل ولایت د قره باغ ولسوالۍ کې مهم بدلونونه رامنځته کړي او د خلکو لپاره به ښاري اسانتیاوې لا معیاري کړي.
