په کونړ ولایت کې د دوو ودانیو د ډیزاین په اړه بحث وشو
۹/۱۱/۱۴۴۶
د کور او ښار جوړولو وزارت د مسکن، ودانیزو چارو او د برنامو پراختیا مرستیال محترم الحاج محمد اسماعیل فائز د کونړ ولایت د کور او ښار جوړولو ریاست محترم رئیس مولوي نبي الله طلحه سره په خپل کاري دفتر کې وکتل.
په دې غونډه کې، چې د وزارت د ډیزاین ساختمان او ساختماني تاسیساتو رئيس او د مهندسی او لندسکیپ چارو رئیس هم پکې ګډون درلود، د یو شمیر ساختماني مسلو په اړه، په ځانګړې توګه د کونړ ولایت د ښاروالۍ د دوو لس پوړیزو او پنځلس پوړیزو پروژو د ډیزاین په اړه بحث وشو.
ښاغلي فائز د کونړ ولایت د کور او ښار جوړولو ریاست د رئیس د خبرو اورېدو پرمهال وویل، چې اړوندې ادارې باید په دې برخه کې په دوامداره توګه همکاري وکړي ترڅو ډیزاینونه په معیاري ډول ترسره شي.
