په کور او ښار جوړولو وزارت کې نوې ګمارنې ترسره شوې
۱۴۴۷/۰۵/۲۵
د کور او ښار جوړولو وزارت د محترم مقام په غوښتنه او د افغانستان اسلامي امارت د ریاست الوزرا محترم عالي مقام په منظورۍ د چارو د لا ښه والي لپاره، د وزارت د دوو مهمو ریاستونو لپاره نوي رئیسان وګمارل شول.
یاد دوه رئیسان، د دغه وزارت د محترم مالي او اداري مرستیال الحاج محمد ارسلاح خروټي له لوري خپلو کار کوونکو ته ور وپېژندل شول.
د کور او ښار جوړولو وزارت د عوایدو ریاست لپاره محترم مولوي شمسالهادي شریعتي او دغه راز د ښاري سرغړونو د مخنیوي ریاست لپاره محترم مولوي احمد جاهد لېوال رسمي معرفي شول.
تر دوی وړاندې د دغه وزارت د عوایدو رئیس محترم مولوي ذاکرالله ذاکري و، چې نوموړی اوسمهال د محترم مقام د مشاور په توګه وګمارل شو او دغه راز د ښاري سرغړونو د مخنیوي رئیس محترم مولوي عبدالمنان حقاني و، چې نوموړی اوسمهال د ښاري سرغړونو د مخنیوي عمومي رئیس وګمارل شو.
د کور او ښار جوړولو وزارت محترم مالي او اداري مرستیال الحاج محمد ارسلاح خروټي ټولو ګمارل شوو ته په خپلو دندو کې د بریا هیله وکړه او له ټولو کارکوونکو څخه یې وغوښتل چې د خپلو مشرانو سره په چارو کې د پوره همغږۍ، صداقت، او مسلکي ژمنتیا سره خپلې چارې پرمخ یوسي.
د کور او ښار جوړولو وزارت په ټولو څانګو کې د ښاري اصلاحاتو، د پلان خلاف فعالیتونو د مخنیوي، او د مالي چارو د شفاف مدیریت د پیاوړتیا لپاره د نوو مشرانو معرفي کول د ادارې د دوامداره پرمختګ، شفافیت او د ښاري خدماتو د لا ښه والي لپاره مهم ګام ګڼل کېږي.
