په کندوز کې د شمال ختیځ زون د کور او ښار جوړولو کارکوونکو د ظرفیت لوړونې پنځه ورځنی ورکشاپ پای ته ورسېد
۱۴۴۷/۰۴/۰۴
د کور او ښار جوړولو وزارت د کارکوونکو چارو ریاست په نوښت او د یاد ریاست د رئیس مولوي عبدالولي ارکاني په لارښوونه، د شمال ختیځ زون (کندوز، تخار، بغلان او بدخشان) ولایتونو د کارکوونکو لپاره په کندوز ښار کې د ظرفیت لوړونې پنځه ورځنی ورکشاپ ترسره شو.
د کارکوونکو د ظرفیت لوړونې محترم امر پښتون مراد وویل، دغه ورکشاپ د تخنیکي سروې، د غیرپلاني ساحو د پراختیایي پلان جوړولو، د ودانیو ډیزاین، د کارکوونکو ارزونه او د استخدام د پروسې تر موضوعاتو لاندې پرمخ یووړل شو.
یاد ورکشاپ د کندوز ولایت د دفتر رئیس، د اصلاحات اداري رئیس، د اطلاعات او کلتور رئیس او د کندوز د کور او ښار جوړولو د محترم رئیس په موجودیت کې په رسمي ډول پای ته ورسېد.
د کور او ښار جوړولو وزارت د کارکوونکو چارو ریاست د خپلو کارکوونکو د مسلکي وړتیا لوړولو ته ځانګړې پاملرنه کوي، د ظرفیت لوړونې دغه پروګرامونه د وزارت په بیلابیلو ولایتونو کې په منظم ډول ترسره کېږي، څو کارکوونکي د معیاري ښاري خدمتونو وړاندې کولو ته لا ښه چمتو شي.
