په کندهار کې د استناف محکمې د تعمیر له ودانیزو چارو څارنه تر سره شوه
۱۴۴۶/۹/۲۹
د کندهار ولایت د کور او ښار جوړولو ریاست محترم رئیس مولوي عبدالمتین سعید وایي، د دې ریاست اړوند تخنیکي ټیم د استناف محکمې له ودانیزو چارو څارنه تر سره کړه.
ښاغلي مولوي سعید وویل، د دې پروژې د تعمیراتي موادو د کیفیت څارنه د ټاکل شوو معیارونو په اساس تر سره شوه.
د نوموړي په خبره، د تعمیر د شمال برخې پلستر کاري بشپړه شوې ده، قراردادي شرکت ته سپارښتنه وشوه، تر څو پلستر ته په کافي اندازه اوبه ور کړي.
د کور او ښار جوړولو وزارت د ادارو په غوښتنه د پروژو له چارو څارنه کوي، تر څو چارې د نقشې مطابق په معیار برابرې تر سره شي.
