په کندهار ولایت کې د سړک ودانیزې چارې و ارزول شوې
۱۴۴۶/۷/۱۳
د کندهار ولایت د کور او ښار جوړولو ریاست محترم رئیس مولوي عبدالمتین وایي، د دې ریاست د تخنیکي ټیم لخوا د ګډ هیئت په شتون کې د کندهار/ ارزګان سړک ودانیزې چارې و ارزول شوې.
ښاغلی مولوي عبدالمتین وایي، یاد سړک د خاکریز او د کندهار له نېښ ولسوالۍ تېرېږي او د ارزګان ولايت د دهراود ولسوالۍ تر پولې رسېږي، چې تر هغې پورې (۱۰۸) کیلو متره اوږدوالي پیدا کوي
نوموړی وایي، که څه هم دغه سړک تر بامیانو رسېږي، خو دوی یې کندهار ولایت کې د شته برخې څارنه او ارزونه وکړه
د کور او ښار جوړولو وزارت له ټولو دولتي پروژو څارنه او ارزونه کوي او له معیاریتوب یې ځان ډاډمنوي
