په کابل کې د څه باندې څلوېښت ساحو کروکي او کوردینات په بشپړ ډول راټول شول
۱۴۴۶/۱۲/۲۴
د کور او ښار جوړولو وزارت د حقوقي اعتبار ورکولو ریاست محترم رئیس مولوي رحیم الله صادقي اخندزاده وایي، په دې وروستیو کې یې د انکشافي پروژو د کیفیت د لوړولو په موخه له یو شمېر نورو همکارو ریاستونو او ادارو سره په ګډه کار پیل کړ.
ښاغلی مولوي صادقي اخندزاده وایي، دغه ټیم، په کابل کې د څه باندې څلوېښت ساحو د کدستري تثبیت او تشخیص په برخه کې مهم پرمختګونه کړي دي.
نوموړی وایي، د یاد ټیم لومړنی پړاو په بریالیتوب سره بشپړ شو چې چې د پآم وړ ساحو کدستري قطعې، کروکي او کوردیناتونه په بشپړ ډول راټول او د اراضي محترم ریاست له خوا وړاندې شول.
محترم مولوي صادقي د خپلو خبرو په دوام وویل، د کور او ښار جوړولو وزارت محترم مقام له اړوندو ریاستونو غوښتي، چې د خپلو صلاحیتونو په چوکاټ کې اړین او په وخت کړنې په دقت سره ترسره کړي.
اوس، دغه معلومات په رسمي توګه نورو اړوندو ریاستونو ته وړاندې شوي، ترڅو د پروژو اړوند چارې په چټکۍ او مسلکي ډول سرته ورسوي او د کړنو راپورونه د دفتر محترم ریاست سره شریک کړي
