په کابل کې د پنځم مکروریانو ستونزې واورېدل شوې
۱۴۴۴/۱/۵
د ښار جوړولو او ځمکو محترم سرپرست وزیر مولوي حمدالله نعماني د هغو خلکو ستونزې واورېدې چې په کابل کې د پنځم مکروریانو په تړاو یې در لودې.
راغلو کسانو شکایت وکړ چې د تېر حکومت په مهال یې د پنځم مکروریانو په پروژه کې د کورونو اخستلو په موخه ځينې قسطونه ورکړي، خو تر نن پورې د کورونو خاوندان نشول.
د ښار جوړولو او ځمکو محترم وزیر مولوي حمدالله نعماني د یادې ستونزې د حل په موخه یوه هر اړخیزه تخنیکي کمیټه ټاکلې تر څو په دغه برخه کې څېړنې وکړي او خپلې موندنې د وزارت مقام سره شریکې کړي.
دغه راز د دغې کمیټې د چارو چټکتیا په موخه د اغېزمنو مراجعینو څخه دوه کسان هم د یادې کیمټې په ترکیب کې ور اضافه شول.
د ښار جوړولو او ځمکو وزارت هڅه کوي، چې په یو شمېر پروژو کې د تېر حکومت څخه را پاتې ستونزې په هر اړخیزه توګه وڅېړي او د حل په موخه یې پرېکنده اقدام وکړي.
