په کابل کې د پسته خانې د نوې ودانۍ له رغنیزو چارو څارنه وشوه
۱۴۴۷/۰۶/۲۴
د کور او ښار جوړولو وزارت د ښاري سرغړونو د مخنیوي عمومي ریاست د لارښوونې پر بنسټ، د وزارت د ودانیزو او بنسټیزو پروژو د څارنې او تطبیق تخنیکي ټیم د کابل ښار په لومړي مایکرویان کې د پسته خانې د ودانۍ له پروژې لیدنه کړې ده.
د بنسټیژو پروژو د تطبیق او څارنې ریاست محترم رئیس وایي، د ساحې د ارزونې پر مهال څرګنده شوې چې د ودانۍ رغنیزې چارې نږدې بشپړې شوي او د پروژې تر ټولو لویه برخه عملي کار ته رسېدلې ده.
د نوموړي په خبره، د تخنیکي ټیم د ارزونې له مخې، پروژه تر اوسه نژدې بشپړ حالت ته رسېدلې او ټاکل شوې ده چې په نږدې ورځو کې اړوندې ادارې ته د سپارلو پروسه پیل شي.
یاده پروژه د وزارت د بنسټیزو چارو د پیاوړتیا او د عامه خدماتو د اسانتیا لپاره د جوړېدونکو ودانیزو تاسیساتو له مهمو پروژو شمېرل کېږي چې د کار پر بېلابېلو پړاوونو یې منظم تخنیکي څار ترسره کېږي.
