په کابل ښار کې د سرحدونو وزارت (صدر مارکېټ) د ملکیت د بېرته ورستنولو په اړه د اسنادو او دلایلو ارزونه وشوه
02/21/1444 د ښار جوړولو او ځمکو وزارت د محترم سرپرست مولوي حمدالله نعماني په مشرۍ د ښار جوړولو او ځمکو وزارت کې د چارو ادارې د عمومي ریاست، مالیې، سرحدونو او قبایلو چارو، کورنیو چارو عدلیې، عامې روغتیا وزارتونو، او د لویې څارنوالۍ، کابل ښاروالۍ د استازو په شتون کې ناسته وشوه. د یادو وزارتونو او ادارو استازو د کابل ښار په لومړۍ ناحیه پل باغ عمومي سیمه کې د (صدر مارکېټ) ملکیت په حقوقي او مالي اړخونو بحثونه وکړل او په پای کې یې تصمیم ونیو چې د یادو وزارتونو او ادارو د استازو د موندنو او اسنادو پایلې دې په بشپړه او هر اړخیزه توګه د وروستۍ پرېکړې کولو په موخه د ریاسة الوزراء محترم عالي مقام ته واستول شي.
