په پکتیکا ولایت کې د یو باب مسجد شریف ودانیزې چارې وڅارل شوې
۱۴۴۶/۳/۷
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست د تخنیکي ټيم لخوا د عامې روغتیا ریاست اړوند د یو باب مسجد شریف ودانیزې چارې و څارل شوې.
ښاغلي مولوي سیف الجهاد وویل، په مرکز ښرنه کې د عامې روغتیا ریاست اړوند مسجد شریف د احاطې دیوال، د رینګ بیمونو په سر د خښتې دیوال چارې بشبړې شوي دي او د دیوال په سر د بیمونو لپاره د قالب بندۍ چارې روانې وې چې د دې ریاست د مسلکي ټیم لخوا یې چارې وڅارل شوې.
د نوموړي په خبره د پروژې ساحوي انجنیر ته لازمې سپارښتنې وشوې تر څو چارې د نقشې مطابق تر سره کړي.
