په پنجشیر کې د افغانستان بانک د ودانیزې پروژې چارې و څارل شوې
۱۴۴۶/۱۲/۲۰
د پنجشیر ولایت د کور او ښار جوړولو ریاست محترم رئیس انجنیر فهیم نورزاد وایي، د دې ریاست اړوند تخنیکي ټیم د افغانستان بانک د امریت په غوښتنه د یاد بانک له ودانیزو چارو څارنه وکړه.
ښاغلي انجنیر نورزاد وویل، د دې پروژې د سبتیک څاه د ایزوګام او د نورو برخو د قالب بندۍ، سیخ بندۍ او کانکریټ اچونې چارې روانې وې.
د نوموړي په خبره، د قراردادي شرکت مسؤلینو ته لازمې سپارښتنې وشوې ترڅو ټولې چارې د نقشې مطابق په معیار برابرې تر سره کړي.
