په پلعلم ښار کې د داخلي سړک له روانو چارو څارنه ترسره شوه
۱۴۴۷/۱۱/۲۲
د لوګر ولایت د کور او ښار جوړولو ریاست اړوند د تخنیکي ټیم له لوري د پلعلم ښار د داخلي سړک د اساسي جوړونې له روانو چارو څخه ساحوي تخنیکي څارنه ترسره شوه.
یاد سړک د ۱۱۷۹ مترو په اوږدوالي او د ۱۳ مترو په بر د پلعلم ښاروالۍ له انکشافي بودیجې څخه د ۴۸ میلیونه افغانیو په لګښت تمویلېږي، چې له چارو یې څارنه تر سره شوه.
د څارنې پر مهال د پروژې تخنیکي وضعیت، د کار کیفیت او د تطبیق بهیر وارزول شو، چې له مخې یې چارې د ټاکلي پلان مطابق روانې وبلل شوې.
دا مهال د پروژې شاوخوا ۱۵ سلنه کار بشپړ شوی او د انجینري ټیم له لوري یې دوامداره نظارت او مراقبت روان دی.
د ودانیزو پروژو منظم نظارت د کیفیت د تضمین، د تخنیکي معیارونو د رعایت او د پروژو د پر وخت بشپړېدو لپاره اړین بلل کېږي.
