په پروان ولایت کې د کوڅو د کانکریټ اچونې له چارو څارنه تر سره شوه
۱۴۴۶/۹/۱۶
د پروان ولایت د کور او ښار جوړولو ریاست محترم رئیس انجنیر نعمت الله حنیف وایي، د دې ریاست اړوند تخنیکي ټیم د چاریکار ښار د ځینو کوڅو د کانکریټ اچونې له چارو څارنه تر سره کړه.
ښاغلي انجنیر حنیف وویل، د چاریکار ښار په درېیمه ناحیه کې د کوڅو د ویالو د سنګکارۍ او د سنګکارۍ د پاسه د کانکریټ اچونې چارې روانې وې چې ترې څارنه تر سره شوه.
د نوموړي په خبره، د قراردادي شرکت مسؤلینو ته لازمې سپارښتنې وشوې، تر څو چارې د نقشې او شرطپاڼې مطابق تر سره کړي.
