په پروان ولایت کې د نواباد توپدرې ۱۶ صنفي ښوونځی جوړ شو
ښارجوړولو او ځمکو وزارت د پروان ولایت په مرکز چاریکارو ښارو کې د نواباد توپدرې ښونځي رغنیزې چارې بشپړې او ګټې اخیستنې ته یې وسپاره.
دا دوه پوړیزه ښونځی د ۱۶ درسي صنفونو په درلودلو سره په ۱۲۸۷ متر مربع ځمکه کې د ۳۳ میلیونه و ۸۲ زره افغانیو په ارزښت د افغاني کور جوړولو ادارې د مخکې جوړوو شویو ودانیزو توکو د تولید فابریکې له لارې جوړ شوی دی.
ښارجوړولو او ځمکو وزارت د دې ښوونځي ترڅنګ روان کال په ټول هېواد کې ۸۰ ښوونځي جوړ او ګټې اخیستنې ته سپارلي دي.
