په هلمند ولایت کې د یو باب مسجد شریف ودانیزې چارې و څارل شوې
۱۴۴۶/۹/۲۲
د هلمند ولایت د کور او ښار جوړولو ریاست محترم رئیس مولوي شمس الله ناظم وايي، د دې ریاست اړوند تخنیکي ټيم لخوا د کندهارـ هرات په عمومي سړک د یو باب مسجد شریف ودانیزې چارې وڅارل شوې.
ښاغلي مولوي ناظم وویل، د ښوراب د کلي د مسجد شریف د پایو د سیخ بندۍ، د پایو د قالب بندۍ چارې روانې وې او د ځینو پایو د سیخ بندۍ او قالب بندۍ چارې بشپړې شوې وې.
د نوموړي په خبره، یاد مسجد د هغو مسجدونو څخه یو دی، چې د کابل نه تر هرات ولایت پورې په عمومي سړک (۷۰) بابه مسجدونه جوړیږي.
