په هلمند ولایت کې د ترانسپورټ ریاست د اداري تعمیر له ودانیزو چارو څارنه وشوه
۱۴۴۷/۰۸/۲۶
د کور او ښار جوړولو وزارت د ښاري سرغړونو د مخنیوي د عمومي ریاست د لارښوونې پر بنسټ، په هلمند ولایت، لښکرګاه ښار کې د ترانسپورټ ریاست د اداري تعمیر له ودانیزو چارو څارنه وشوه
د نظارت پر مهال د کور او ښار جوړولو ریاست د تخنیکي ټیم له خوا د قراردادي شرکت مسوول انجنیر ته لازمې لارښوونې وشوې، تر څو د پروژې ټولې چارې د منظور شوي نقشې او د قرارداد سره سم په معیاري او ټاکلي ډول پر مخ یوړل شي.
د یادونې وړ ده، چې د ورته څارنو موخه د ښاري اصولو رعایت، د رغنیزو چارو کیفیت لوړول او د احتمالي سرغړونو مخنیوی دی.
