په نیمروز ولایت کې د روغتیايي کلینیک ودانیزې چارې و څارل شوې
۱۴۴۶/۹/۲۷
د نیمروز ولایت د کور او ښار جوړولو ریاست محترم رئیس مولوي عبدالجبار یاسیني وایي، د دې ریاست اړوند تخنیکي ټيم لخوا په خاشرود ولسوالۍ کې د روغتیایي کلینیک ودانیزې چارې و څارل شوې.
ښاغلي مولوي یاسیني وویل، د بسرنګ کلي د روغتیايي کلینیک د تعمیر د سیخ بندۍ او نورې چارې روانې وې.
د نوموړي په خبره، د پروژې چارې په دقیق ډول و څارل شوې، ځیني نواقص په ګوته شول او قرارادادي شرکت ته لازمې سپارښتنې وشوې.
د کور او ښار جوړولو وزارت مرکزي او ولایتي ټيمونه د ادارو په غوښتنه د پروژو له چارو څارنه کوي، تر څو چارې د نقشې مطابق په معیاري ډول تر سره شي.
