په میمنې ښار کې د سوپر مارکېټ له ودانیزو چارو څارنه وشوه
۱۴۴۶/۱۲/۷
فاریاب ولایت کې د کور او ښار جوړولو ریاست محترم رئیس مولوي خالمیرزا ذوالفقار وایي، د خپل تخنیکي ټیم په ملتیا یې د میمنې ښار اړوند په پنځمه ناحیه کې د سوپرمارکیت د پروژې له چارو څارنه وکړه.
ښاغلی مولوي ذوالفقار وایي، د دې پروژې چارې د انجنیرۍ معیارونو او نقشې پر اساس روانې وې او قراردادي شرکت ته یې لازمې لارښوونې او سپارشتنې وکړې.
نوموړی وایي، د سوپرمارکیټ په جوړېدو سره به د میمنې ښار د پنځمې ناحیې اړوند خلکو ته سوداګریزې اسانتیاوې برابرې شي.
په ټوله کې، دا پروژه د میمنې په سیمه کې یو مهم پرمختګ دی، او د دې پروژې د بشپړیدو سره به د سیمې د اوسیدونکو لپاره مختلف اقتصادي او خدماتي فرصتونه رامنځته شي.
