په میدان وردګ کې د پېښو سره د مبارزې ریاست ودانۍ له ودانیزو چارو څارنه وشوه
۱۴۴۷/۰۴/۱۲
د میدان وردګ ولایت د کور او ښار جوړولو ریاست محترم رئیس مولوي عبدالقیوم سیف العمر وویل چې د دې ولایت د پېښو سره د مبارزې د چمتووالي ریاست اداري ودانۍ رغنیزې چارې په منظم ډول روانې دي.
نوموړي څرګنده کړه چې د ودانۍ د تلخونې کانکریټ چارې بشپړې شوې دي، د تشنابونو د کاشي کار لا هم جریان لري او د تشنابونو متن او دېوالونه د لارښوونې سره سم په شل سانتي متره اندازه ایزوګام شوي دي. هغه زیاته کړه چې په نږدې ورځو کې به د یادې ودانۍ د رنګمالۍ چارې هم پیل شي
د پېښو سره د مبارزې ریاست اداري ودانۍ د عملي چارو په بشپړېدو سره به د ولایت په کچه د بیړنیو حالاتو د مدیریت وړتیا نوره هم پیاوړې شي.
