په میدان وردګ ولایت کې د کوتل تخت ښارګوټي څارنه ترسره شوه
۱۴۴۷/۰۷/۰۸
د کور او ښار جوړولو وزارت د ښاري سرغړونو د مخنیوي د عمومي ریاست په لارښوونه، د میدان وردک ولایت د انکشافي کوتل تخت ښارګوټي څخه څارنه ترسره شوه.
د ترسره شوې څارنې پر بنسټ څرګنده شوه چې په یاد ښارګوټي کې ټولې موجودې ښاري سرغړونې پخوانۍ دي او د څارنې پر مهال کومه نوې سرغړونه تر سترګو نه شوه. همدارنګه هغه ودانیزې چارې چې روانې وې، د تفصیلي پلان مطابق وې او په شنه او عامه کارونې ساحو کې کومه سرغړونه ونه موندل شوه.
دا ډول څارنې د ښاري نظم د ټینګښت او د ناقانونه تاسیساتو د مخنیوي په موخه په بېلابېلو ښارګوټو کې ترسره کېږي.
