په میدان وردک کې د ښاری تخلفاتو مخنیوی وشو
۱۴۴۶/۱۰/۲۲
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د تخلفاتو مخنیوي ټیم یې میدان وردک ولایت کې د دغه ولایت د کور او ښار جوړولو ریاست د محترم رئیس مولوي عبدالقیوم سیف العمر په لارښوونه او همکارۍ د توسعوي ښار ګوټي څخه څارنه وکړه.
د میدان وردک ولایت د کور او ښار جوړولو ریاست د معلوماتو له مخې، په نوموړي ښارګوټي کې یو سوداګریز مارکیټ چې د نقشې خلاف یې ودانیزې چارې روانې کړې وې په نښه او چارې یې و ځنډول شوې.
د کور او ښار جوړولو وزارت په ټولو ولایتونو کې د ښاري تخلفاتو د مخنیوي په موخه فعال او اغېزمن ټیمونه رامنځته کړي، تر څو له ښاري بې نظمیو مخنیوی وکړي.
