په میدان وردک ولایت کې د حوادثو ریاست د اداري ودانۍ له ودانیزو چارو څارنه ترسره شوه
۱۴۴۷/۰۵/۰۸
د میدان وردک ولایت د کور او ښار جوړولو ریاست محترم رئیس مولوي عبدالقیوم سیفالعمر وایي، د یاد ریاست تخنیکي ټیم د حوادثو ریاست د اداري ودانۍ له ودانیزو چارو څارنه تر سره کړه.
ښاغلي مولوي سیف العمر وویل، د سپټیک څاه د سلب قالب بندي، سیخ بندي او کانکریټ اچونې چارې بشپړې شوې دي. همدارنګه، د ودانۍ دننه د اطاقونو د دروازو او د اشپزخانې د الماریو د نصب کارونه هم روان دي.
مولوي عبدالقیوم سیفالعمر زیاته کړه، چې د څارنې هدف د ساختماني چارو د کیفیت ارزونه او د کارونو د دقیق تطبیق ډاډ ترلاسه کول دي. نوموړي ټینګار وکړ، چې د پروژې ټول کارونه باید د تخنیکي اصولو او ټاکلي مهالویش له مخې پر مخ ولاړ شي.
د میدان وردک ولایت د کور او ښار جوړولو ریاست د عامه تاسیساتو د رغونې او ترمیم په برخه کې د څارنې، شفافیت او کیفیت د تضمین لپاره منظمه تګلاره لري. د حوادثو ریاست د اداري ودانۍ پروژه د دې ولایت د بنسټیزو رغنیزو کارونو له مهمو پروژو څخه ده، چې د اداري خدماتو د ښه والي او د کارکوونکو د اسانتیا لپاره پلې کېږي.
