په لښکرګاه ښار کې د لقمان حکیم سوداګریز او استوګنیز مارکیټ ودانیزو چارو څارنه ترسره شوه
۱۴۴۷/۰۸/۲۶
د کور او ښار جوړولو وزارت د ښاري سرغړونو د مخنیوي د عمومي ریاست د لارښوونې پر اساس، د لقمان حکیم سوداګریز او استوګنیز مارکیټ د ودانیزو چارو څارنه ترسره شوه.
د ارزونې پر مهال څرګنده شوه، چې د پروژې په اول بلاک کې د دریم پوړ د سلب قالب بندۍ چارې بشپړ شوي نه دي او د پلاسترکارۍ کارونه یې هم په فعاله توګه روانې دي. یادې چارې د تصویب شویو ساختماني پلانونو او معیارونو مطابق تر سره کېږي، او د کیفیت د تضمین لپاره د ساحې انجنیر په دوامداره توګه د کار د سموالي او د موادو د سم استعمال څارنه کوي.
د ساحوي انجنیر د لارښوونې له مخې، د اوبو ورکولو ټاکل شوي مارکونه او د تختو د نصب پروسې سموالي ته ځانګړې پاملرنه شوې، تر څو چارې د تصویب شویو پلانونو او ساختماني معیارونو سره سم پرمخ ولاړې شي.
