په لغمان کې د سرخکان پارک دویم فاز استنادي دېوال او احاطې رغونې چارې ۲۲ سله بشپړې شوي
ښار جوړولو او ځمکو وزارت د لغمان ولایت په قرغهيي ولسوالۍ کې د سرخکان پارک دویم فاز استنادي دېوال او احاطې چارې ۲۲ سلنه بشپړې کړې دي.
یاد استنادي دېوالونه ۲۵۲۰ مټره او د احاطې دېوال ۹۹۶ مټره اوږدوالي لري چې په ۹۹ مېلیونه او ۹۰۰ زره افغانیو مالي لګښت د ښار جوړولو او ځمکو وزارت له پراختیایي بودجې رغول کېږي.
ښار جوړولو او ځمکو وزارت په هېواد کې د ملي او ټولګټو پروژو په لاره کې د شته ننګونو له منځه وړلو ته ژمن دی، څو له لارې یې د ښار او کلیو وګړیو ته د ټولنیز ژوند اسانتیاوې برابرې کړي.
