په لغمان کې د دوه ټولګټو پروژو رغنیزې چارې دوام لري
ښارجوړولو او ځمکو وزارت د نانک ځايي جومات رغنیزې چارې ۸۰ سلنه بشپړې کړي او په مهترلام ښار کې د لغمان ولایت د اداري اصلاحاتو ریاست ودانۍ رغنیزې چارې ۱۵ سلنه بشپړې کړي چې د روان کال تر پایه به ګټۍ اخیستنې ته وسپارل شي.
د ویلو ده چې د نانک ځايي جومات په ۲۵۶ مترمربع ځمکه کې د حج او اوقافو وزارت له بودیجې څخه د ۸۰۰ زره افغانیو په ارزښت او د لغمان ولایت د اداري اصلاحاتو ریاست ودانۍ په ۵۶۵ مترمربع ځمکه کې په درې پوړونو د ۴۵ میلیونه او ۱۰۰ زره افغانیو په ارزښت جوړیږي.
ښارجوړولو او ځمکو وزارت د مقدسه اماکنو اهمیت ته په کتو د جوماتونو جوړولو او مرمت سره په افغاني ټولنه کې د اسلامي ارزښتونو په ساتنه کې مهم رول لري او د ټولګټو پروژ په تطبیق سره د هېواد په کچه سیمه اییزه حکومتولي پیاوړې کړې ده.
###
