په قره باغ ولسوالۍ کې د روغتیایي کلینیک د جوړېدو خط اچونه ترسره شوه
۱۴۴۷/۴/۱
د غزني ولایت د کور او ښار جوړولو ریاست اړوند تخنیکي ټیم د قرهباغ ولسوالۍ د جنګلک کلي په سیمه کې د روغتیایي کلینیک د جوړېدو خط اچونه ترسره کړه.
د غزني ولایت د کور او ښار جوړولو ریاست محترم رئیس مولوي نور ولې بلال متقي وایي، یاد کلینیک د عامې روغتیا ریاست د وړاندیز او د کور او ښار جوړولو ریاست د منظور شویو احکامو له مخې طرحه او خط اچونه یې تر سره وشوه.
د کور او ښار جوړولو وزارت د ټولنیزو خدمتونو په موخه د روغتیايي، تعلیمي او عام المنفعه پروژو د عملي کولو چارې پر مخ وړي. د روغتیایي کلینیکونو جوړول د روغتیايي خدمتونو د پراختیا او د خلکو د اړتیاوو د پوره کولو لپاره یو مهم ګام بلل کېږي، چې د لرې پرتو سیمو اوسېدونکو ته به لومړنۍ روغتیايي خدمتونه په اسانۍ برابر کړي.
