په فراه ښار کې د غیرقانوني ودانیو د جوړېدو د مخنیوي په موخه څارنه وشوه
۱۴۴۷/۰۷/۰۹
فراه ولایت کې د کور او ښار جوړولو وزارت تخنیکي ټيم د فراه ښار د عسکر اباد ساحه کې د ښاري سرغړونو په موخه له ودانیو لیدنه او تخنیکي څارنه ترسره کړه.
دغه څارنه د کور او ښار جوړولو وزارت، له ښاري سرغړونو د مخنیوي او پر انکشافي پروژو د څار محترم عمومي ریاست په لارښوونه او په دغه ولایت کې د کور او ښار جوړولو محترم ریاست په همکارۍ ترسره شوه.
په څارنه کې څرګنده شوه چې ټول ودانیز فعالیتونه د تفصیلي پلانونو مطابق پر مخ روان دي او تر دې دمه کومه سرغړونه یا د پلان خلاف جوړښتونه، نه دي لیدل شوي.
د فراه ولایت د کور او ښار جوړولو ریاست د ښاري نظم د ټینګښت، د غیرقانوني ودانیو د مخنیوي او د تفصیلي پلانونو د تطبیق په موخه دوامداره څارنې ترسره کوي.
فراه کې د کور او ښار جوړولو ریاست محترم مسؤلین وایي، دغه چارې د ښاري پراختیا او د ښار د نظم د ساتنې لپاره بنسټیز اهمیت لري.
