په فراه ولایت کې د مسجد شریف له ودانیزو چار څارنه تر سره شوه
۱۴۴۶/۸/۲۳
د فراه ولایت د کوراو ښارجوړولو ریاست محترم رئیس مولوي نصرالله استقلال وایي، د دې ریاست اړوند د تخنیکي ټيم لخوا د کابل – کندهار په لویه لار د یو باب مسجد شریف ودانیزې چارې و څارل شوې.
ښاغلی مولوي استقلال وایي، د مسجد شریف د سپلونو د سیخ بندۍ، قالب بندۍ او د انګړ د سبګرایډ کمپکشن جریان در لود چې ترې څارنه تر سره شوه.
د نوموړي په خبره، په تر سره شوو کارونو کې ځینې ستونزې وې، چې قراردادي شرکت ته ور په ګوته شوې او له قراردادي شرکت مسؤلینو ته وویل شول، تر څو ټولې چارې د نقشې او شرطپاڼې مطابق تر سره کړي.
