په غزني کې د شهید عبدالکبیر ښوونځي له رغنیزو چارو څارنه وشوه
۱۴۴۷/۰۶/۱۷
د غزني ولایت د کور او ښار جوړولو ریاست محترم رئیس مولوي نورولي بلال متقي وايي، د دغه ریاست اړوند تخنیکي ټیم د واغظ ولسوالۍ د شهید عبدالکبیر ښوونځي د رغنیزو چارو څخه څارنه ترسره کړه.
ښاغلي مولوي متقي وویل، د لیدنې پر مهال معلومه شوه چې د ودانۍ د چت کانکریټ اچول او د چت داخلي پلسترکاري روانه وه، تخنیکي ټیم د پروژې د کیفیت د ښه والي او د کار د معیاري ترسره کېدو په موخه د قراردادي شرکت مسؤل ته لازمې سپارښتنې وکړې، څو ټول فعالیتونه د قرارداد له شرایطو او بل احجامو سره سم پرمخ یوسي.
د نوموړي په خبره، چې د پروژې د هر پړاو دقیق نظارت د دې لپاره مهم دی چې ښوونځي ته یو معیاري او دوامدار تأسیسات جوړ شي، څو زده کوونکي په مناسب چاپېریال کې زده کړې وکړي.
غزني د زدهکړو په برخه کې د ښوونیزو ودانیو د ترمیم او رغونې جدي اړتیا لري، د ښوونځیو د ترمیم روانې پروژې د معیاري تعلیمي چاپېریال د رامنځته کولو لپاره مهم ګام بلل کېږي.
