په غزني ښار کې د درېیم پلان له ساحو د ښاري سرغړونو د مخنیوي په موخه څارنه ترسره شوه
۱۴۴۷/۱۱/۲۵
د غزني ولایت د کور او ښار جوړولو ریاست د ښاري سرغړونو تخنیکي ټیم د درېیم پلان له بېلابېلو ساحو څخه د ښاري سرغړونو د مخنیوي په موخه ساحوي څارنه ترسره کړه.
د څارنې پر مهال د سرور کائنات (ص) جومات په جنوبي لوري سړک کې د هټیو د جوړولو چارې تر نظر لاندې ونیول شوې.
د یادې ساحې د مسوول له قوله، د دې هټیو د جوړولو امر د شاروالۍ ریاست له لوري په موقتي ډول ورکړل شوی دی.
د ښاري سرغړونو د مخنیوي ریاست ټینګار کوي چې ټولې ساختماني چارې باید د منظور شوو ښاري پلانونو او نافذه مقرراتو مطابق ترسره شي، څو د ښاري نظم او اصولو د تطبیق بهیر خوندي پاتې شي.
