په غزني ولایت کې د یو سوداګریز مارکېټ له رغنیزو چارو څخه لیدنه وشوه
۱۴۴۷/۱/۲۸
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخنیکي ټيم د ارزاقو عمومي مدیریت په ملتیا، د غزني ولایت د سوداګریز مارکېټ له رغنیزو چارو څخه لیدنه وکړه.
ښاغلي مولوي متقي وویل، په دې لیدنه کې څرګنده شوه چې د یاد مارکېټ د څښلو اوبو د څاه کیندنې او د خط اندازۍ لپاره د ساحې د پاکولو چارې جریان لري، همداراز تخنیکي ټیم د ساحې وضعیت وڅېړه او قراردادي شرکت ته یې سپارښتنه وکړه چې خپلې چارې پر خپل وخت، د منظور شوي عملیاتي پلان مطابق، پر مخ یوسي.
د نوموړي په خبره، همداراز، قراردادي شرکت ته د ژورنال جوړولو او ساختماني پروسې د منظم ثبتولو هدایت هم ورکړل شو.
