په سرپل ولايت کې د سوداګریز مارکېټ د پروژې د چاروڅارنه ترسره شوه
۱۴۴۷/۸/۵
د سرپل ولايت د سوداګریز مارکېټ د پروژې له چارو څخه تخنيکي نظارت ترسره شو.
د نظارت پر مهال څرګنده شوه چې دا مهال د پروژې د دويم بلاک د بنسټونو د سيخ بندۍ چارې روانې دي.
د ترسره شوې ارزونې پر بنسټ، د کار د کيفيت د خونديتوب په موخه تطبیق کوونکي ټيم ته اړينې لارښوونې ورکړل شوې.
له ډلې يې ټينګار وشو چې د بنسټونو سيخ بندي بايد د منظور شوو نقشو او تخنيکي مشخصاتو سره سم ترسره شي.
همدارنګه لارښوونه وشوه چې سيخونه د کارولو او تړلو څخه مخکې بايد له اضافي موادو او زنګ وهلو څخه په بشپړه توګه پاک شي، تر څو د ساختماني کارونو کيفيت تضمين شي.
د سرپل ولايت د سوداګریز مارکېټ پروژه د سوداګريزو فعاليتونو د پراختيا، د ښاري اقتصاد د پياوړتيا او د خلکو لپاره د کاري فرصتونو د رامنځته کولو په موخه تطبيق کېږي.
