په زابل کې د کانونو او پټرولیم ریاست د اداري ودانۍ له ودانیزو چارو څارنه وشوه
۱۴۴۷/۰۲/۱۲
د زابل ولایت د کور او ښار جوړولو ریاست محترم رئیس الحاج ملا دادګل مسلم وایي، د دې ریاست اړوند تخنیکي ټیم د کانونو او پټرولیم ریاست د اداري ودانۍ له ودانیزو چارو څخه څارنه وکړه.
ښاغلي ملا دادګل مسلم وویل، دا مهال په یادې ودانۍ کې د اول پوړ د اول بلاک داخلي پلستر کاري چارې روانې وې، او د همدغه منزل د کړکیو او دروازو د فریم نصب چارې بشپړې شوې دي او همداراز، په دویم پوړ کې د خشت کارۍ او د سپټیک د سیخ کارۍ کارونه جریان لري.
د نوموړي په خبره، د نظارت پر مهال، قراردادي شرکت ته سپارښتنه وشوه چې د پروژې پاتې چارې دې د نقشي، انجنیري مشخصاتو او منظور شویو احجامو مطابق، پر خپل وخت، د لازمي کیفیت په رعایت سره ترسره کړي.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر څو چارې د نقشې مطابق په معیاري ډول تر سره شي.
