په دې ورستیو کې ۱۵۰ زره جریبه دولتي ځمکه سروې شوه
ښارجوړولو او ځمکو وزارت تېره مېاشت ۱۵۰ زره او ۳۶۶ جریبه دولتي ځمکه سروې او نقشه کړې ده، دا اندازه دولتي ځمکه او ملکیتونه د هېواد په ۳۲ ولایتونو کې په ۸۴ قطعو کې ثبت او سروې شوي دي.
اوس مهال د دولتي ځمکو او ملکیتونو د ثبت شمېر ۷ میلیونه و ۳۸۷ زره او ۳۹۴ جریبو ته رسیږي.
ښارجوړولو او ځمکو وزارت د ښاري ودې او بنسټیزو پلانونو پلي کېدو په موخه، دولتي ځمکې او ملکیتونه سروې او بیا یې څرنګوالي ته په کتو نقشه او په ځانګړي کورډنات کې شاملوي.
